Ilinniartut qanoq aningaasarsiaqartinneqarpat?
| Ilinniarnermi ukioq siulleq | kr. 5.357,00 |
| Ilinniarnermi ukiup aappaa | kr. 8.605,92 |
| Ilinniarnermi ukiup pingajua | kr. 10.957,33 |
| Ilinniarnermi ukiup sisamaa | kr. 11.517,18 |
| Ilinniarnermi ukiup tallimaat | kr. 11.853,10 |
Akunnermusiaq inissinneqassaaq qaamammusiassat 1/173 malillugu.
Sapaatip akunneranut tiimit 40-t sinnerlugit sulisimagaanni (qaangiuttoornermi), tiimimut aningaasarsiat qulaani allaqqasut nalingisa 50%-ianik ilaneqartarput.
Atuariartornermi GC-ip aningaasarsiaqartissavaatit sapaatip akunneranut 40 tiimit nalinganut.
Sulinngiffeqarnermi aningaasarsiat (feriepenge)
Qaammammoortumik aningaasarsiat 12,5%-ii sulinngiffeqarnermi aningaasarsianut naatsorsorneqartarput. Maluginiarneqassaaq sulinngiffeqarnermi aningaasarsiat qaammammoortumik aningaasarsiassanut ilanngullugit tunniunneqartarmata, taamaattumillu sulinngiffeeqarnermi aningaasarsisoqarneq ajorpoq.Pituffimmi sulinerup sivisussusaa
Pituffimmi ilinniartut Pituffiup sulinermut pilersaarutaa nalinginnaasoq malittarpaat, tassa sapaatip akunneranut 51,5 tiimini sulisarlutik.Thule Air Base-miinnerup nalaani nerisaqartitaaneq ineqartitaanerlu
Suliffeqarfimmi nerisaqarnermi aningaasartai/nalingi ullormut pingasoriarluni naatsorsuussat aningaasarsianut ilanngullugit tunniunneqartarput. Ullormut kr. 47,75-iupput, isertitallu allat assigalugit akileraaruserneqartarlutik.Suliffeqarfimmi akeqangitsumik ineqartitaasoqartarpoq akileraartarnermi malittarisassat atuutut malillugit.
Sulinngiffeqarfiit
Sulinngiffeqarnermut inatsit Pituffimmi atuutinngilaq. Qaammatit 2½-ini 4-niluunniit Pituffimmiissimaganni immikkoortortaqarfimmi suliffigisami sulinermut sulinngiffeqarnermullu pilersaarutaanut akornutaassanngippat sulinngiffeqartoqarsinnaavoq.Ilinniartut juullikkunni sulinngiffeqarnissamut pisinnaatitaapput. Pituffimmi sulinngiffeqarneq inerteqqutaavoq.
Allanik apeqqutissaqassaguit uunga saaffiginnissinnaavutit:
Ilinniartunut ilitsersorti/Youth Advisor
E-mail: elev.vejleder@gc.gl
