Pituffimmiilluni susassaaleqinanngilaq. Tamanut sammisassaqarpoq. Eqaarsaartarfimmi timersuutit assigiinngitsut tamarmik timersuutigineqartarsinnaapput iligiikkaarluni kisimiilluniluunniit.
Ukiukkut sisorariarnissamut kælkernissamut aasaaneranilu pisuttuarnissamut, takisuumut arpannissamut (maraton) cykelerlunilu angalaarnissamut aaqqissuussisoqartarpoq. Allaanerusunik aamma sammisassaqartarpoq, soorlu Polar Bear Swim (Pituffiup sissaani nalunneq).
Sukisaarsartarfinni tujuuluaqqanut assinik naqiterisoqarsinnaavoq il. il. Community Activity Centerimi soorlu internet-cafémi sukisaarsartoqarsinnaavoq, billiardit, golfi spillemaskiinallu sammerujoorneqarsinnaallutik. Ammasarfiani tamatigut akeqanngitsunik kaageqartarpoq, kakaoeqarluni, kaffeqarluni theqarlunilu.
Pituffimmi ullorsiutigineqartartut tassaapput: Kalaallit inuiattut ullorsiornerat, Skt. Hans, amerikamiut juulip 4-aani kiffaanngissuseqarnermut ullorsiorfiat (Independence Day), Thanksgiving (novembarimi sisamanngorneq kingulleq), juulli ukiutoqarlu. Activities ullorsiornerni sukisaarsartarfinni sammisassaqartitsisarput tamatigullu peqataaneq akeqarneq ajorpoq.
Pituffimmi sunngiffimmi sammisassat
| Dansk | English | Nittartakkamiittut | Saaffissaq | Naqiguk |
