Pituffimmi GC-p sulisuisa amerlanersai barakkini 13-it tikillugit amerlassuseqarlutik ineeqqani 15 m2-it missaani angissusilinni ineqartinneqarput. Barakkini taakkunani ataatsimoorussanik perusuersartarfeqarlunilu uffarfeqarpoq, iggaveqarpoq, nerisarfeqarpoq isersimaartarfeqarlunilu. Sulileqqaatut barakkimut taamak ittumut inissinneqarnissaq naatsorsuutigineqassaaq. Barakkit ilaat silaannarmik kissartumik kiassaateqarput ilaalli nalinginnaasunik kiassaateqarlutik.
Sulisut ilaat anginerumaamik ineqarput, soorlu 1½-inik initalittut angitigisumik, isersimaartarfeqarlutillu sinittarfeqartunik. Tassanissaaq igaffik, nerisarfik, isersimaartarfik, uffarfik perusuersartarfiillu najugaqartunit tamanit atorneqarput.
Barakkeqarportaaq ataasiittarissanik inilinnik, sanilerisarlu kisimik atorneqartunik uffarfeqarlutik perusersartarfeqartunik, taakkualu iggaveeraqarput.
Aappariit/inooqatigiit
Aappariittut inooqatigiittulluunniit – aappaarisaq aqutsisutut sulippat – uiguleriiaartuni inissiamut nuussinnaanissamut qinnuteqartoqarsinnaavoq. Inissiat nalinginnaasumik initaqarput, sinittarfeqarput, uffarfeqarlutillu perusuersartarfeqarput. Aammattaaq aappariit ineqarfiannut barakkimiinnissamut periarfissaqarpoq. Tassani aappariit arfinillit najugaqarajupput. Taakkunani namminerisamik ineqarput, sinittarfeqarput, uffarfeqarlutik, igaffilli, nerisarfik isersimaartarfillu ataatsimoorunneqarput.Utaqqiisaasumik ineqarfiit
Sivikitsumik sulinissamik isumaqatigiissuteqarsimalluni sulisuugaanni inissaaleqisoqartillugu ”contingency” barakkinik taaneqartartuni najugaqartinneqartoqarsinnaavoq. Barakkit taakku nalinginnaasumik atorneqarneq ajorput, isikkuisigullu aserfallatsaaliisoqartannginneranik takuneqarsinnaavoq. Immikkut pisoqavittoqartillugu sivikitsumik ineqateqartitaanissaq pisariaqarsinnaavoq.Pituffimmi illut amerlanersaat 1952-imi sananeqarput, tamatumali kingornatigut ikittuinnaat sananeqarsimallutik. Qangatut Pituffik inuttutigiunnaarnikuummat illorpassuit isaterneqarnikkuupput.
