Pituffik illoqarfittut mikinerusutut assersuunneqarsinnaavoq. Taamatullu illoqarfinni mikinerusuni pisariaqartitaasut (napparsimmavik, taxat, pisiniarfiit il.il.) aamma Pituffimmi atuuttuupput. Assigiinngitsunik suliffissanut tamangajannut sulisussarsiortarpugut, sulisullu assigiinngitsorpassuarnik ilinniagaqarsimasuupput. Immikkoortortaqarfitsinni assigiinngitsuni ilinniagaqarsimasut ilinniagaqarsimanngitsullu, specialistit aqutsisutullu sulisut sulilersittarpavut.
Pituffimmi suliffissat ataavaartumik sulisussarsiorfigineqartartut assersuutaasut ataani allassimapput. Piginnaanernik atorfissaqartitsinersugut nalornissutigissagukku aalajangersimanngitsumik qinnuteqarit imaluunniit sulisussarsiortarfimmut saaffiginnigit.
Allaffissorneq:
Allatsit, allaffimmiut, napparsimavimmi allatsit, sulisoqarnermi siunnersuisut, naatsorsuuserivimmi aningaasaqarnermilu sulisut.
Suliffimmi avatangiisit:
Suliffimmi avatangiisinut siunnersuisut.
Suliap pitsaassusaanik aqutsineq:
Suliat pitsaassusaannik misissuisut.
Nakorsiartarfik:
Nakorsat/ pilattaasartut, peqqissaasut aaviaasullu.
Civil Engineering Management (teknikkikkut ingerlatsivik):
Ingeniørit teknikerillu (sanaartornermi, innaallagisserinermi ruujorilerinermilu), teknikikkut assistentit titartaasartullu.
Pinngortitami avatangiisit:
Pinngortitami avatangiisinut ingeniørit siunnersuisullu.
Operations:
Sanaartornermi naalakkat, sulisussarsiornermik pilersaarusiortut, maskiinarsortut (maskinførerit), qillertoqqerisut, innaallagisserisut, elektromekanikerit, illunut oqorsaatilerisut, nillataartitsivilerisut, qalipaasut, ruujorilerisut, saffiuut sanasullu. Maskinmesterit, maskinassistentit, maskiinalerisut (maskinarbejderit), (bussinut, taxanut, usisaatinullu) aquttut, sulisartut umiarsualivimmilu sulisut.
Services:
Eqqiaasut, errorsiarfimmi sulisut, mersortartut, akunnittarfup saaffiginnittarfiani sulisut, igaffinni naalakkat, igasut, igaffimmi ikortit, iffortut, neqaarniartut, delikatessemi sulisut. Eqaarsaartitsisut, timikkut sungiusaasut, atuagaateqarfimmi sulisut, sukisaarsaarfinni sulisut.
Pilersuineq:
Ataqatigiissaarinermi niuertartutullu sulisut, kingoraartissanik sulisut, kiisalu peqqumaataasivimmi atortussaateqarfimmilu sulisut.
Biilileriffik:
Suliffimmi naalakkat, biililerisut (aputaajaatinik usisaatinik assigisaanillu suliaqarsinnaasut), biilinut innaallagisserisut biilileriffimmilu saffiuut.
Mittarfik:
Flymekanikerit, terminalarbejderit, angallannermi assistentit, silasiortut.
Orsussalerivik:
Orsussamik assartuisut aamma suliffissuaqarnermi laborantit.
Qatserisarfik:
Qatserisartut, annaassiniartartut, qatserisarfimmi pigaartut, qatserisartunut aqutsisut pisortallu.
Attaveqaateeqarfimmi immikkoortortaqarfik:
Sianertunik ingerlatitseqqittartut, oqarasuaatilerisut, elektronikteknikerit, radarteknikerit, antenneteknikerit, allaffimmi atortorissaarutinik iluarsaassisartut, TV-nik radionillu iluarsaassisartut.
