Saffiuut sanaassat assigiinngitsorpassuarnik ilusillit angissusillillu saalimasut siaangasullu, ruujorit assigiinngitsunik issussuseqarlutillu ilusillit, titartakkat najoqqutassiallu assigiinngitsut kiisalu ilitsersuutit assigiinngitsut oqaatsinik assigiinngitsunik allassimasut najoqqutaralugit suliaqartarput.
Saffiooq immikkut VVS-Energitekniker-mik sammisalik kissarsuutinik, assigiinngitsunik, silaannarissarfinnik ikkussuisarput iluarsaasarlutillu. Energiteknikerituttaaq najugaqarfinni uffarfinni/perusuersartarfinni atortunik suliaqarsinnaasarpoq. Kuuffiit, errortortarfiit, wc-it seqqittaatit allarpassuillu iluarsaattarpaat.
Piumasaqaatit
Ilinniartunngorniaraanni Najukami ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.Karakteerinik 13 skala atorlugu misilitsinnikunut piumasaqaatit:
Meeqqat atuarfianni 11. klassemi soraarummersimanissaq piumasaqaataavoq minnerpaamik karakterigalugit qallunaatut 6, kisitsinermi 7, fysik 6 aamma tuluttut 6 assigisaanilluunniit piginnaasaqarneq.
Karakteerinik ECTS-skala atorlugu misilitsinnikunut piumasaqaatit:
Meeqqat atuarfianni 10. klassimi soraarummeernissaq piumasaqaataavoq minnerpaamik karaktereralugit qallunaatut E, kisitsinermi D, fysik E aamma tuluttut E assigisaannilluunniit piginnaasaqarneq.
Saffiooq immikkut VVS-Energitekniker-mik ilinniarneq ukiunik 4-nik sivisussuseqarpoq, taakkunani sap.ak. 55-ni ilinniarfimmiittarlutik.
Ilinniarfik / ilinniartitaaneq pillugu annertunerusunik paasisaqarusukkuit
Saviminilerinermik IlinniarfikBox 29
3900 Nuuk
Tlf.: 34 86 00 – Fax: 32 20 23
E-mail: jm@jernmetalskole.gl
Website: www.jernmetalskole.gl
