Siornatigut sanasutut/pequsiortutut ilinniagaqarnerit assigiingitsunut marlunnut sammitinneqarnikuupput. Kisiannili sanaartornerup iluani teknikkikkut ineriartornerup ilutigisaanik ilinniagaqarfiit taakku marluk ataatsimut katinneqarsimapput tassani siunertaalluni annertunerusumik ilinniagaqarnermi angusaqarnissaq.
Sanasutut/pequsiortutut ilinniagaqarsimasup suliassarai illussanik angisuunik mikisunillu sanaartorneq taamatullu aamma illut iluisa silataasalu suliarineqarneri.Piviusumik suliassat assersuutitut soorlu makkuupput: natilersuineq, iigalersuineq qalialersuinerillu taamatullu aamma majuartarfiliornerit, toqqaviliornerit, illut aserfallatsaaliorneqarnissaannut atatillugu iluarsartuusinerit aammalu nutarterinerit, sikaavilersuinerit, iggaviliornerit il.il.
Sanasuuniaraani timikkut nukittuussariaqarpoq aammalu silami sulisarnissaq naatsorsuutigisariaqarpoq.
Piumasaqaatit
Ilinniartunngorniaraanni Najukami Ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.Karakteerinik 13 skala atorlugu misilitsinnikunut piumasaqaatit:
11.klassemi soraarummeersimanissaq minnerpaamik agguaqatigiisillugu karakteri 6 angusiffigisimassallugu faagini ukunani: kalaallisut, qallunaatut, tuluttut, kisitsinik matematikkilu aammalu fysikki kemiilu.
Karakteerinik ECTS-skala atorlugu misilitsinnikunut piumasaqaatit:
Niveau E tassaavoq meeqqat atuarfianni naggatarutaasumik aammalu 10.klassemi misilitsissimaneq.
Sanasutut ilinniarneq ukiunik 4-nik sivisussuseqarpoq, taakkunani sap.ak. 58-ni ilinniarfimmiittarlutik.
Ilinniarfik / ilinniartitaaneq pillugu annertunerusunik paasisaqarusukkuit
Sanaartornermik IlinniarfikBox 1001
3911 Sisimiut
Tlf.: 86 76 00 – Fax: 86 45 28
E-mail: si@sanilin.gl
Website: www.sanilin.gl
