Igasoq ilinniarsimasoq iggavinni, neriniartarfinni akunnittarfinnilu pissutsinik tunngaviusunik ilisimasaqartuussaaq aammalu sullisseriaatsinik ilisimaarinnittuusariaqarluni. Igasoq ilinniarsimasoq a la carte-mi qaaqqusinernilu inniminniinermi sullisisinnaassaaq aammalu suunerinik nassuiaasinnaallunilu nerisinneqartussat akissaat nammineerluni naatsorsorsinnaasuussavai.
Igasutut sulineq assoroornartuuvoq, taamaattumik igasoq timikkut tarnikkullu nukittuujusaria¬qarpoq. Piginnaasariaqartut allat pingaartut tassaapput torersaartuuneq ipeersaartuunerlu, aningaasanik atuilluarsinnaaneq suleqatikkuminartuunerlu. Ammataaq piareersimaffigisariaqarpoq piffissanik nikiraartunik sulisarnissaq aammalu sapaatit aqunnerit naanerini nalliuttunilu.
Piumasaqaatit
Ilinniartunngorniaraanni Najukami Ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.Karakteerinik 13 skala atorlugu misilitsinnikunut piumasaqaatit:
Meeqqat atuarfinnit ukiumoortumik nalelerneqarnermi misilitsinnermilu (FSA) karakterit agguaqatigiissinneranni: Qallunaatut 7, Tuluttut 7, Matematik 7, Fysik/Kemi 6. Qinnuteqartut allat meeqqat atuarfiannit oqaaseqaatit naapertorlugit
Igasutut ilinniarneq ukiunik 4-nik sivisussuseqarpoq, taakkunani sap.ak. 52-ni ilinniarfimmiittarlutik.
Ilinniarfik / ilinniartitaaneq pillugu annertunerusunik paasisaqarusukkuit
Inuussutissalerinermik Ilinniarfik INUILIBox 123
3921 Narsaq
Tlf.: 66 13 13 – Fax: 66 13 33
E-mail: inuili@inuili.com
Website: www.inuili.com
