Ernæringsassistentitut ilinniarsimasup nammineerluni meeqqanik, inersimasunik utoqqarnillu kissartunik nillertunillu nerisassiornerup nerisitsinerullu ingerlanneqarneranut tunngasut suliarisinnaasuussavai, saniatigullu atortunik piiaaneq, erruineq eqqiaanerlu ingerlassinnaassallugit. Suliaq igaffissuarni tamani, kantinat iggaviini, meeqqanik paaqqinnittarfinni, atuarfinni assigisaannilu ingerlanneqarsinnaassaaq.
Ernæringsassitentitut sulineq assoroornartuuvoq, taamaattumik ernæringsassistentitut timikkut tarnikkullu nukittuujusariaqarpoq. Piginnaasariaqartut allat pingaartut tassaapput peqqissaartuuneq eqqiluitsuuneq, aningaasanik aqutilluarsinnaaneq suleqatikkuminartuunerlu. Ammataaq piareersimaffigisariaqarpoq piffissanik nikiraartunik sulisarnissaq aammalu sapaatit aqunnerit naanerini nalliuttunilu.
Piumasaqaatit
Ilinniartunngorniaraanni Najukami Ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.Karakteerinik 13 skala atorlugu misilitsinnikunut piumasaqaatit:
Meeqqat atuarfiannit ukiumoortumik nalilerneqarnermi misilitsinnermilu karakterit (FSA) agguaqatigiissinneranni: Kalaallitsut 6, Qallunaatut 6, Tuluttut 6, Matematik 7, Fysik/Kemi 6. Qinnuteqartut allat meeqqat atuarfiannit oqaaseqaatit naapertorlugit nalilerneqartassapput.
Ernæringsassistentitut ilinniarneq ukiunik 3-nik sivisussuseqarpoq, taakkunani sap.ak. 50-ni ilinniarfimmiittarlutik.
Ilinniarfik / ilinniartitaaneq pillugu annertunerusunik paasisaqarusukkuit
Inuussutissalerinermik Ilinniarfik INUILIBox 123
3921 Narsaq
Tlf.: 66 13 13 – Fax: 66 13 33
E-mail: inuili@inuili.com
Website: www.inuili.com
