Cafeteria- og kantineassistentitut ilinniarsimasoq iggavinni, kantinani, neriniartarfinni akunnittarfinnilu pissutsinik aammalu sullisseriaatsinik tunngaviusumik ilisimasaqartuussaaq. Cafeteria- og kantineassistentitut ilinniarsimasoq tuniniagassanik naammasseriaannaarnik aammalu ineriikkanik naliliisinnaassaaq, piareersaasinnaasuulluni, sassaalliutigineqarnissaannullu piareersaasinnaasuulluni. Nammineerluni tuniniaasinnaasuussaaq pisinianillu sullissisinnaasuulluni. Aammattaaq nerisassanik imeruersaatinik assigisaannillu tuniniarneqarnerusartunik tuniniaavinnut inissitsiterisinnaasuussaaq, saniatigullu eqqiaanermik nalinginnaasumik ingerlatsisinnaassalluni.
Cafeterie- og kantineassistent-itut sulineq assoroornartuuvoq, taamaattumik timikkut tarnikkullu nukittuujusariaqarpoq. Piginnaasariaqartut allat pingaartut tassaapput torersaartuu¬neq ipeersaartuunerlu, aningaasanik atuilluarsinnaaneq suleqatikkuminartuunerlu. Ammataaq piareersimaffigisariaqarpoq piffissanik nikiraartunik sulisarnissaq aammalu sapaatit aqunnerit naanerini nalliuttunilu.
Piumasaqaatit
Ilinniartunngorniaraanni Najukami Ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.Karakteerinik 13 skala atorlugu misilitsinnikunut piumasaqaatit:
Meeqqat atuarfinnit ukiumoortumik nalilerneqarnermi misilitsinnermilu (FSA) karakterit agguaqatigiissinneranni: Kalaallitsut 6, Qallunaatut 6, Tuluttut 6, Matematik 6. Qinnuteqartut allat meeqqat atuarfiannit oqaaseqaatit naapertorlugit nalilerneqartassapput.
Ilinniarneq ukiunik 2 nik qaammatinillu 6-ni sivisussuseqarpoq, taakkunani sap.ak. 33-ni ilinniarfimmiittarlutik.
Ilinniarfik / ilinniartitaaneq pillugu annertunerusunik paasisaqarusukkuit
Inuussutissalerinermik Ilinniarfik INUILIBox 123
3921 Narsaq
Tlf.: 66 13 13 – Fax: 66 13 33
E-mail: inuili@inuili.com
Website: www.inuili.com
