Siornatigornit maanakkumut qalipaasup suliassai annertunerulersimapput. Sanaartukkat nutaat suulluunniit eqqarsaatigalugit soorlu qalipanneqarneri, ungalitsersuineq aammalu natinik qallersuinerit saniatigut makkua aamma soorlu suliarineqartalernikuupput biilinik aammalu allagartassanik qalipaanerit.
Assersuutitut qalipaasup aamma makkua suliarisinnaavai:
- illunik nutaangitsunik iluarsartuussineq aserfallatsaaliornerilu
- biilinik seqqarsaat atorlugu qalipaaneq
- allagartassanik qalipaaneq soorlu allagartat ussassaarutissat il.il.
- maskiinat qaavinik suliareqqiinnerit
- Ilinniagaqarnissamut piumasaqaatit
Piumasaqaatit
Ilinniartunngorniaraanni Najukami Ilinniarfimmiit imalt. kommunep kulturikkut ilinniartitaanermullu allaffeqarfikkut (KUF) imalt. suliffissarsiuussisarfimmiit qinnuteqartoqassaaq.Karakteerinik 13 skala atorlugu misilitsinnikunut piumasaqaatit:
Meeqqat atuarfianni 11.klassemi soraarummeersimanissaq minnerpaamik agguaqatigiisillugu karakteri 6 angusiffigisimassallugu faagini ukunani: kalaallisut, qallunaatut, tuluttut, kisitsineq/matematikki aammalu fysikki kemiilu.
Karakteerinik ECTS-skala atorlugu misilitsinnikunut piumasaqaatit:
Niveau E tassaavoq meeqqat atuarfianni naggataarutaasumik aammalu 10. klassemi misilitsissimaneq.
Qalipaasutut ilinniarneq ukiunik 4-nik sivisussuseqarpoq, taakkunani sap.ak. 58-ni ilinniarfimmiittarlutik.
Ilinniarfik / ilinniartitaaneq pillugu annertunerusunik paasisaqarusukkuit
Sanaartornermik IlinniarfikBox 1001
3911 Sisimiut
Tlf.: 86 76 00 – Fax: 86 45 28
E-mail: si@sanilin.gl
Website: www.sanilin.gl
